ITB Americas

Под брендот на водечкиот светски саем на туризмот ITB, во ноември 2026 година во организација на Саемот Берлин премиерно ќе се одржи новиот деловен туристички саем ITB Americas. Наменет за Северна и Латинска Америка и за Кариби, ITB Americas ќе биде прв и единствен B2B саем за туристичката индустрија, чија цел е да се опфати севкупната западна хемисфера, што се одразува и во името на саемот („Americas“ во множина). Како таков, ITB Americas поврзува 35 земји од Северна и Латинска Америка, како и Кариби.

Северна и Латинска Америка се еден од најголемите и најбрзо растечките туристички пазари во светот, служејќи како движечка сила на глобалниот туризам. Со огромен економски потенцијал во туристичкиот сектор, овој регион е идеална локација за одржување врвен деловен настан, како што е саемот ITB Americas.

Како деловен настан, ITB Americas се приближува до пазарот, намалувајќи ги пречките и поттикнувајќи можности за учество. Одржувањето на саемот поблиску до актерите во Северна и Латинска Америка, како и на Кариби, исто така, ја намалува потребата за долги патувања, што е во согласност со целите за одржливоста на туризмот.

Одговарајќи на побарувачката во глобалната туристичка индустрија, ITB Americas има цел да воспостави сеопфатен саем за севкупната западна хемисфера, кој ја претставува богатата разновидност на Северна и Латинска Америка и на Кариби. За разлика од постојните саеми, овој настан ќе даде обединета платформа за претставување на единствените култури, дестинации и деловни можности низ Северна и Латинска Америка и Кариби, поттикнувајќи поголема сигурност и соработка во рамките на регионот и надвор од него.

ITB Americas е осмислен така што да ја задоволи растечката побарувачка за единствена платформа за туризам во регионот и ќе биде приспособен на специфичните потреби на Америка. За инаугуралното издание на ITB Americas очекуваме 80 % од излагачите да бидат од Америка, а 20 % од другите делови на светот.

Премиерното издание на саемот ITB Americas ќе се одржи од 10 до 12 ноември 2026 година во мексиканскиот град Гвадалахара, кој има најголем саемски простор во Мексико. Предвидено е во иднина саемот да се одржува секоја година во ноември.