За саемот

Меѓународниот саем WindEnergy Hamburg е целосно посветен на главните теми за енергијата од ветер. Саемот ги собира под еден кров главните актери од областа на ветроелектраните на копно и море, а во сегментот посветен на технологиите за складирање енергија нуди посебно знаење (know-how). На саемот, излагачите од комплетниот ланец на вредности од енергијата на ветерот имаат можност да ги претстават своите иновативни решенија, производи и услуги пред меѓународната стручна публика. Без разлика дали се работи за проектанти, производители, добавувачи, оператори или даватели на услуги, саемот WindEnergy Hamburg е место за средба на претставниците на меѓународниот сектор за енергијата од ветер, од водечки светски компании до млади иновативни претпријатија. Како водечки светски технолошки настан, саемот WindEnergy Hamburg е оптимална платформа за деловни контакти, вмрежување и дејствување на глобално ниво.

Саемот им нуди на излагачите и посетителите многубројни можности за воспоставување нови и проширување на постоечките деловни врски. Сè на сè, идеална можност за деловно вмрежување и договарање зделки – на едно место во компактна и концентрирана форма.

 

Сегменти

  • Ветроелектрани на копно
  • Ветроелектрани на море
  • Производители на ветроелектрани и ветроагрегати
  • Производители на делови и добавувачи
  • Производство и обработка на материјали
  • Инсталирање
  • Проектирање
  • Управување и одржување
  • Електроенергетски систем и складирање на енергија
  • Финансирање и осигурување
  • Услуги
Интернет страница на саемот