IFA

Panairi IFA është panairi kryesor tregtar në botë për elektronikën e konsumit dhe pajisjet elektroshtëpiake që mbahet çdo vit në kryeqytetin e Gjermanisë. Prodhuesit nga e gjithë bota e përdorin këtë panair nga viti në vit për të prezantuar produktet dhe novitetet e tyre më të fundit para audiencës profesionale dhe për publikun e gjerë.

IFA është një vend ku prodhuesit, tregtarët dhe ekspertët e industrisë dhe medias takohen një herë në vit. Duke ofruar një pasqyrë sa më të plotë të tregut ndërkombëtar, panairi IFA është platforma më e rëndësishme dhe më efektive e biznesit dhe marketingut për tregun e elektronikës dhe pajisjeve të konsumit dhe pajisjeve elektroshtëpiake në nivel global, siç dëshmohet nga numri i mbi 150.000 vizitorëve të biznesit që vizitojnë këtë panair çdo vit.

Që nga premiera e tij në vitin 1924, panairi është bërë ngjarja kryesore në botë për nisjen e produkteve dhe teknologjive të reja në treg, shumë prej të cilave iu prezantuan audiencës botërore për herë të parë në panairin IFA.